我已經係５月１４日成為左香港的成年居民啦！
基本上我由果時開始做ｄ咩都要自己負責任嚕．．． 果日我其實真係好唔開心，
生日都要考試就已經夠慘啦！
要考自己唔識的科目就更慘，
不過最慘的係遭逢橫禍．．． 我一早開開心心早起身，
溫左一陣書（大概廿分鐘啦！），
食左ｄ餅乾，諗住早ｄ去到考場好過遲到，
一路都風平浪靜，
直到去到考試的學校門口，
我先發覺自己冇帶準考證，
ｏｈ ｍｙ ｇｏｄ．．．．
考左咁多次都未試過咁失敗的，
見到小泰，問佢點算，
佢叫我即刻返屋企拎喎！
我就拿拿聲咁返屋企拎嚕．．． 由果一刻開始，
我的心情就已經好ｄｏｗｎ啦！
但係世事就遍遍禍不單行．．． 拎左準考證去到考場的時候就已經遲左差唔多２０分鐘啦．．．
我梗係即刻搵我果位啦！
搵到的時候，一坐底就拎晒ｄ野出黎，
寫名，貼貼紙，打開試題．．．
點知惡夢就由呢一刻延續啦．．．
成份卷都冇一題係自己有把握的題目，
真係出果題就唔識果一題喔！
做晒份卷都只不過係用左廿幾分鐘，
主要唔係因為我識晒喎，
反而係因為我全部都唔識．．．
我一直係度做做做，但係都係冇乜做得出，
連條ＭＩ同section B都唔識，
真係多分極有限啦．．． 係咁的日子下生日又點開心得到呢？
雖然肉酸，咩咩，杰Ｂ，肥鳳都有同我過生日，
我地一齊去打bowling，
但係我都冇用心打，
只係最後果局唔忿氣俾阿杰笑我低分先認真ｄ去打，
打完就去左買六合彩（４條六合彩各中一個字），食ＫＦＣ同影貼紙相，
跟著就走左啦！ 成日黎講，我都收到好多電話同訊息，
佢地個個都有祝我生日快樂，
仲有提醒我要變返女仔喎（正係我最煩的一件事），
咁樣令我好開心，因為呢Ｄ就係我呢幾年的成就啦！
雖然有人對我爽約，但係知佢係冇心之失就算啦！
（不過其實我都好唔開心的．．．） 呢幾日我都冇乜野做，
日日係屋企冇所事事咁，
陪我阿媽行出行入咁，
今日仲去左換身分證添．．． 不過我呢幾日除左生理上漸漸成熟之外（我指的係年齡），
思想上都成熟左好多的，
雖然都係消極的諗法，
但係都好過我以前諗的果Ｄ白痴野呀！～ 大家都不妨諗下：
１）究竟你而家消失於世上，第一個發現的人會係邊個呢？佢點解可以肯定你消失左呢？
２）你係世上幾多個人的心目中排第一位的呢？
３）你對邊個的重要性最高呢？
４）有幾多個人會因為你的消失而無法生活呢？ 不過當你諗呢Ｄ野之前，
我勸你要有一個心理準備，
因為我諗過之後先發覺到原來自己係呢個世界上咁多年，
其實都冇乜用處的咋！
更有可能我其實係呢個世界的一個負累，
一個浪費有限資源的東西啊！ 所以我打算係搵到工做之前，
日日都要練下倉頡，唔洗打速成，
仲要學日文，每日學１０個單音，
直至到識晒Ｄ平假名同片假名為止．．． | 